Bakıda fəaliyyət göstərən bəzi Mənzil-Tikinti Kooperativləri (MTK) və tikinti şirkətləri ilə bağlı vətəndaşların ciddi narazılıqları mövcuddur.
Fineko xəbər verir ki, bu narazılıqlar əsasən aşağıdakı problemlərlə əlaqəlidir:
Mənzillərin bir neçə şəxsə satılması
Tikinti işlərinin vaxtında tamamlanmaması
Çıxarışların (kupça) verilməməsi
Tikinti normalarına və müqavilə şərtlərinə əməl olunmaması
Sakinlərin razılığı olmadan binaların sökülməsi
Vətəndaşların ən çox şikayət etdiyi bəzi MTK və tikinti şirkətlərini təqdim edirik:
1. Orbita MTK – Bu şirkətin adı tikinti normalarına əməl etməməkdə, eyni mənzili bir neçə şəxsə satmaq və rüşvət hallarında hallanır.
2. İlin Dörd Fəsli MMC – Sakinlər bu şirkətin müqaviləsiz kommunal ödənişlər tələb etməsi və digər provayderlərin xidmət göstərməsinə mane olması ilə bağlı şikayətlər ediblər.
3. Şərur MTK – Bu şirkət mənzillərin çıxarışlarını verməməkdə ittiham olunur.
4. Akkord Sənaye Tikinti İnvestisiya Korporasiyası ASC - Şirkət mənzillərin sahəsini olduğundan artıq göstərmək və sakinlərə çıxarış verməmək kimi məsələlərlə daha çox ad qazanıb.
5. Kursus-Nizami MTK (Qarayev Residence) – Bu şirkət sakinlərin razılığını almadan binaların sökülməsi və məhkəmə qərarları olmadan insanların evlərindən çıxarılmasında ittiham olunur.
6. Birlik-İnşaat, Murad M.S., Pearl Construction, AAAF Park, Kristal Abşeron, Xudafərin və digər şirkətlər – Bu şirkətlər haqqında da zaman-zaman vətəndaşların müxtəlif şikayətləri olur.
